İcma qaydaları

narbaz hamı üçün xoş yer olsun deyə bir neçə sadə qaydamız var. Hörmətlə davranırsansa, narahat olmağa heç bir səbəb yoxdur.

1. Hörmətlə davran

• Təhqir, hədə, təzyiq və nifrət nitqi olmaz.
• Kimsəni milləti, dini, cinsi, görünüşü və ya sağlamlığına görə ələ salma.
• Başqasının şəxsi məlumatını (telefon, ünvan, şəkil) icazəsiz paylaşma.

2. Təhlükəsizliyi qoru

• Azyaşlıların təhlükəsizliyi bizim üçün ən vacib məsələdir. Onlara yönəlmiş uyğunsuz davranış dərhal hesabın bloklanması ilə nəticələnir.
• Cinsi və ya zorakılıq məzmunu paylaşma.
• Özünə və ya başqasına zərər verməyə çağırış etmə.

3. Dürüst ol

• Spam, reklam, saxta hesab və süni səsvermə olmaz.
• Bir adam bir hesabdan istifadə etsin.
• Başqasına məxsus məzmunu icazəsiz paylaşma.

4. Tanışlıqda

• Tanışlıq yalnız 18 yaşdan yuxarı istifadəçilər üçündür.
• Profilini olduğu kimi yaz. Başqasının şəklini və ya yalan məlumat qoyma.
• Profil mətnində telefon nömrəsi, keçid və sosial şəbəkə adı yazma. Tanış olandan sonra söhbətdə razılaşa bilərsiniz.
• Kimsə cavab vermirsə, israr etmə. «Daha göstərmə» və bloklama hər kəsin haqqıdır.
• Pul, hədiyyə və ya kənar keçid istəyən şəxsi şikayət et.
• İlk görüşü ictimai yerdə et və yaxınlarına xəbər ver.

Qaydalar pozularsa nə olur?

Hər hal ayrıca baxılır. Adətən əvvəlcə xəbərdarlıq edilir, sonra hesab müvəqqəti dayandırıla, ciddi pozuntuda isə bloklana bilər. Moderatorlar uyğun olmayan məzmunu silə bilər.

Moderasiya necə işləyir?

İstifadəçilərin hazırladığı suallar, testlər və müzakirələr dərc olunmazdan əvvəl moderator tərəfindən yoxlanılır. Avtomatik təsdiq yoxdur. Şərhlər dərhal görünür, amma istənilən vaxt şikayət edilə bilər. Şikayətlərə insan baxır.

Narahat olursan?

Hər profilin, şərhin və mesajın yanındakı menyudan şikayət edə və ya şəxsi bloklaya bilərsən. Qərarla razı deyilsənsə, Kömək səhifəsindən bizə yaz. Müraciətinə insan baxacaq.